ഇന്ത്യൻ കരസേനയുടെ ആദ്യത്തെ കമാണ്ടർ-ഇൻ-ചീഫ് ആയിരുന്നു ഫീൽഡ് മാർഷൽ കെ.എം. കരിയപ്പ അഥവാ കൊഡന്ദേര "കിപ്പർ" മാഡപ്പ കരിയപ്പ (28 January 1899 – 15 May 1993). 1947 ലെ ഇന്ത്യാ പാക് യുദ്ധത്തിൽ ഇന്ത്യൻ കരസേനയെ പടിഞ്ഞാറൻ യുദ്ധമുഖത്തേക്ക് നയിച്ചത് അദ്ദേഹമാണ്.
പരമോന്നത ഫീൽഡ് മാർഷൽ നേടിയ ഇന്ത്യൻ കരസേനയുടെ രണ്ട് വ്യക്തികളിൽ ഒരാളാണ് അദ്ദേഹം (മറ്റേയാൾ ഫീൽഡ് മാർഷൽ സാം മനേകഷാ ). 1949 ൽ അദ്ദേഹം ഇന്ത്യൻ കരസേനയുടെ കമാണ്ടർ-ഇൻ-ചീഫ് ആയി സ്ഥാനമേറ്റു. മൂന്ന് പതിറ്റാണ്ടോളം അദ്ദേഹം ഇന്ത്യൻ കരസേനയെ സേവിച്ചു.