ഒരു മലയാള സാഹിത്യകാരനായിരുന്നു എസ്.കെ. മാരാർ(സെപ്റ്റംബർ 13 1930 - ഡിസംബർ 18 2005).
പെരുമ്പളത്തെ കലാസംഘടനകളിലും വായനശാലകളിലുമുളള പ്രവർത്തനങ്ങളിലും നാടകാഭിനയത്തിലും കൂടിയാണ്‌ അദ്ദേഹം സാംസ്‌കാരികരംഗത്തേക്കു വന്നത്‌.
മൂന്നു ദശാബ്‌ദത്തിലധികം ഉയർന്ന പരീക്ഷകൾക്ക്‌
ഹിന്ദിയും മലയാളവും പഠിപ്പിച്ചിരുന്നു. കവിത, ഉപന്യാസം, ഹിന്ദിയിൽനിന്നുളള വിവർത്തനം തുടങ്ങിയവയിലൂടെയാണ്‌ സാഹിത്യത്തിലേക്കു കടന്നത്‌. ‘കേരളധ്വനി’നടത്തിയ കഥാമത്സരത്തിൽ സമ്മാനം ലഭിച്ചതോടെ കഥയെഴുത്തും നോവലെഴുത്തുമായി മുഖ്യപ്രവർത്തനം. പല സാഹിത്യ സംഘടനകളിലും സാരഥ്യം വഹിച്ചിട്ടുണ്ട്‌. സാഹിത്യ പ്രവർത്തക സഹകരണ സംഘം ഡയറക്‌ടർ ബോർഡിലും എക്‌സിക്യൂട്ടീവിലും അംഗമായിരുന്നു. 1971-ൽ ജെ.ഡി.തോട്ടാൻ സംവിധാനം ചെയ്ത വിവാഹ സമ്മാനം എന്ന ചലച്ചിത്രത്തിന് കഥയെഴുതിയിട്ടുണ്ട്.
പതിനെട്ടോളം നോവലുകളും നാലു കഥാസമാഹാരങ്ങളും മൂന്നു നാടകങ്ങളും ഒരു കവിതാസമാഹാരവും പ്രസിദ്ധീകരിച്ചിട്ടുണ്ട്. ഇദ്ദേഹം തൂലികാനാമങ്ങളിൽ സാഹിത്യ, സാമൂഹ്യ വിമർശനം നടത്തിയിരുന്നു
ഈ ഭാഗത്ത് എന്തെങ്കിലും തെറ്റുകൾ കാണുന്ന പക്ഷം കമൻറ് വഴി ആയത് ചൂണ്ടിക്കാണിക്കുക... (alert-error)