ഇന്ത്യയിലെ പ്രസിദ്ധനായ കവിയും ചലച്ചിത്രഗാനരചയിതാവും പിന്നണിഗായകനുമായിരുന്നു കവി പ്രദീപ് (ഫെബ്രുവരി 6, 1915 - ഡിസംബർ 11, 1998). ഇന്ത്യാ-ചൈന യുദ്ധത്തിൽ മരണമടഞ്ഞ ഭടന്മാരുടെ സ്മരണക്കായി രചിച്ച "ആയെ മേരെ വതൻ കെ ലോഗോ " എന്ന ദേശഭക്തി ഗാനത്തിലൂടെയാണ് പ്രദീപ് ഏറെ അറിയപ്പെട്ടത്. 1963 ലെ റിപ്പബ്ലിക് ദിനത്തിൽ ഡൽഹിയിലെ രാംലീല മൈതാനത്തിൽ അന്നത്തെ പ്രധാനമന്ത്രി നെഹ്റുവിന്റെ സാന്നിദ്ധ്യത്തിൽ ഇന്ത്യയുടെ വാനമ്പാടി ലതാ മങ്കേഷ്കർ ഈ ഗാനം ആലപിച്ചത് വളരെ പ്രസിദ്ധമാണ്‌.
പലതരത്തിലുള്ള പ്രലോഭനങ്ങളുണ്ടായിരുന്നങ്കിലും അതിനെയൊക്കെ അവഗണിച്ച് ഈ ഗാനത്തിന്റെ റോയൽറ്റി ഇനത്തിലുള്ള വൻതുക യുദ്ധത്തിൽ വിധവകളായവർക്കുള്ള ഫണ്ടിലേക്കു സംഭാവന ചെയ്തു കവി പ്രദീപ്. അഞ്ച് ദശാബ്ദത്തോളം സജീവമായിരുന്ന അദ്ദേഹത്തിന്റെ കാവ്യജീവിതത്തിൽ 1,700 പരം ഗാനങ്ങൾ എഴുതി. ദേശഭക്തി കവിതകൾ, 72 ചിത്രങ്ങൾക്കുള്ള ഗാനങ്ങൾ എന്നിവ ഉൾപ്പെടെയാണിത്. പിന്നീട് അദ്ദേഹത്തെ "രാഷ്ട്രകവി" ആയി തിരഞ്ഞെടുക്കുകയും കവി പ്രദീപ് എന്ന പേരിൽ അറിയപ്പെടുകയും ചെയ്തു. 1997-ൽ ഇന്ത്യൻ ചലച്ചിത്രരംഗത്തെ ഉന്നത പുരസ്കാരമായ ദാദാസാഹിബ് ഫാൽക്കെ പുരസ്കാരം നൽകി അദ്ദേഹത്തെ ആദരിച്ചു.
പലതരത്തിലുള്ള പ്രലോഭനങ്ങളുണ്ടായിരുന്നങ്കിലും അതിനെയൊക്കെ അവഗണിച്ച് ഈ ഗാനത്തിന്റെ റോയൽറ്റി ഇനത്തിലുള്ള വൻതുക യുദ്ധത്തിൽ വിധവകളായവർക്കുള്ള ഫണ്ടിലേക്കു സംഭാവന ചെയ്തു കവി പ്രദീപ്. അഞ്ച് ദശാബ്ദത്തോളം സജീവമായിരുന്ന അദ്ദേഹത്തിന്റെ കാവ്യജീവിതത്തിൽ 1,700 പരം ഗാനങ്ങൾ എഴുതി. ദേശഭക്തി കവിതകൾ, 72 ചിത്രങ്ങൾക്കുള്ള ഗാനങ്ങൾ എന്നിവ ഉൾപ്പെടെയാണിത്. പിന്നീട് അദ്ദേഹത്തെ "രാഷ്ട്രകവി" ആയി തിരഞ്ഞെടുക്കുകയും കവി പ്രദീപ് എന്ന പേരിൽ അറിയപ്പെടുകയും ചെയ്തു. 1997-ൽ ഇന്ത്യൻ ചലച്ചിത്രരംഗത്തെ ഉന്നത പുരസ്കാരമായ ദാദാസാഹിബ് ഫാൽക്കെ പുരസ്കാരം നൽകി അദ്ദേഹത്തെ ആദരിച്ചു.